كيف تقوم بتركيب Adsl بدون الاستعانه بالشركه

بسم الله الرحمن الرحيم

يا جماعه انا هقولكم ازاى توصلوا الخدمه عندكوا بدون الاستعانه بالشركه
اتجهت معظم شركات الانترنت فى مصر حاليا بارسال username and password برساله على الموبيل
المطلوب راوتر ADSL سلك تليفون splitter كابل شبكه و سويتش اذا كان عدد المستخدمين للانترنت اكتر من واحد

اولا يكون لديك خط تليفون فى المنزل لابد للاهميه القصوى توصيل ال splitter على خط التليفون الرئيسى و ليس من الفيشه الموجوده فى الاوضه لييييييييييييييييييه علشان الفيشه بتكون بها كابلات كهرباء و الاشاره الكهربيه لها تاثير سئ جدا على اشاره التليفون وده بيكون احد اسباب انقطاع الانترنت لديكم

ال splitter توجد به ثلاثه مخارج المخرج الاول line يتم توصيل خط تليفون الرئيسى به المخرج الثانى Modem يتم توصيل الروتر به و المخرج الاخير و هو ال phone يتم توصيل الوصله بالكابل الواصل بالفيش فى الشقه واذا كان مفيش فيش يبقى توصل على التليفون

مكان وضع الروتر يرجع لذوقك انت

بعد كده توصل الروتر فى الكهرباء و توصل كابل التليفون فى الروتر هتلاقى كدف فى الرورتر اشارات ضوئيه اذا كانت الاشاره الضوئيه مكتوب عليها ADSL or WAN or Link فانك قمت بالتركيب الخط بنجاح

بعد كده توصل كابل الشبكه بجهاز الكمبيوتر او اذا كان فى سويتش توصل الروتر بالسويتش و من السويتش كابل شبكه للكمبيوتر

و بعد كده تفتح الكاتلوج بتاع الروتر علشان تعرف IP بتاع الروتر و ال username and password للدخول على الروتر

اول ما توصل ليهم تحط على كارت الشبكه بتاعك ال IP و بعد كده تعمل PINg على Ip بتاع الروتر للتاكد انك وصل على الروتر بدون اى مشكله

و بعد كده يا سيدى تفتح صفحه من البروزر و تكتب فيها ال IP بتاع الروتر سا عتها هيطلب منك username and password ومن باب العلم بالشئ معظم الروترات بتفتح ب username :- admin و password :- admin او username :- admin و password :- password

كده يبقى انت دخلت على صفحه الروتر ممكن تلاقى فيها حاجه اسمها setup wizerd or run wizerd

هيدللك خطوات كده الخطوه المهمه هيا بقى اللى هقول عليه
لو انت على شركه لينك او تى داتا اختار
PPPoE with connection type :- LLC
and VPI/VCI :- 0/35
لو انت على egynet
PPPoA with Connection Type VC-MuX
and VPI/VCI :- 8/35
و بعد كده تعملSave
وعلشان تتاكد اذا كان النت وصل ولا لا

افتح قائمه start و اختار RUn و بعد كده اكتب Ping www.yahoo.com -t و ظهرلك Reply from 87.248.113.14: bytes=32 time=90ms TTL=52
يبقى كده النت اشتغل و ادعيللى و ولو لقدر الله مشتغلش يبقى لازم تكلم الشركه

امضاء خبير فى هذا المجال

__________________

البحث عن مواضيع لنفس العضو